ماكينة الخياطة سنجر القديمة تباع بالالاف
Get the Flash Player to see this player.
اشاعة مشيت بالسعودية و الاردن ان ماكينات الخياطة سنجر القديمة ماركة الفراشة او الاسد (هيك بيسموها) تحتوي على مادة الزئبق الاحمر و ان صانع الماكينات قام بتهريب الزئبق الى الشرق الاوسط في القرن الماضي و هذا الزئبق كما تقول الحكاية يستعمل لصنع الاسلحة النووية و ايضا لتسخير الجان للكشف عن الكنوز(موضوعين كتير بعاد عن بعض) المهم انه الناس صدقت و ارتفع سعر الماكينة اللي ممفروض مرمية و غير مستعملة من 03 ريال سعودي يعني 6 دنانير اردنية الى خمسين و ستين الف ريال اذا مش اكتر الحلو بالموضوع انه الاشاعة كما يقال طلعت من الاردن و نفىروجية زمبقة و هو مدير عام بشركة سنجر ان يكون هنالك زئبق احمر او اصفر بالماكينة و عشان تعرف اذا الماكينة اللي عندك من ايو زئبق او لا بتحط جنبها الموبايل اذا اختفت الاشارة يعني ان الماكينة تشوى الالوف و طبعا صاروا الناس يجيبوا موبايلات خربانة عشان ينصبوا على الناس التانية >>>> ممكن تصدقوا هيك اشي؟ انا متاكدة انه كل واحد رح يروح يسأل امه او جدته عن ماكينتها الخياطة و رح ياخد معه اكم موبايل للتيست .. على فكرة الشرطة عم بتدور على اللي طلع الاشاعة و عم بتلم الماكينات
